《維修兵團製作系列》洗衣機維修服務流程篇👨‍🔧

《維修兵團製作系列》洗衣機維修服務流程篇👨‍🔧

我哋嘅服務流程宣傳片，今期終於同大家見面啦！小編睇完覺得好有熟悉感～有表現出兵團師傅上門服務嘅真實感覺。有幾個小細節特別想同大家分享：

🔅斯文形象

在傳統維修行業裡，好多時候師傅俾人嘅印象係不修邊幅，粗粗魯魯夾大聲講嘢。而影片中嘅師傅形象恰恰相反，有些觀眾可能覺得好離地。但事實上，用過維修兵團服務嘅客人就知道，我哋嘅師傅確實如影片中那樣斯文、有禮。

🔅現場報價

影片中，師傅試機及仔細檢查後，會同客人講解洗衣機故障嘅起因，及維修方式，再從後台系統中取得標準價格，然後向客人講解所需費用，客人確認維修，師傅先至落手。明碼報價，有根有據，令大家放心購買服務。

🔅嚴格記錄

小編喺《尋寶之旅》系列提過，維修過程中兵團師傅需要不斷收集「證據」，目的是保障客人、師傅，及維修兵團三方利益。影片中見到師傅更換零件前後，多次用手機拍下「證據」，而相片及影片會自動上傳到兵團系統，永久保存。整個維修過程一清二楚，看得出大家盡咗唔少努力。

睇完影片，大家對我哋嘅服務有冇更清晰嘅了解呢？小編打聽到👂，除咗服務流程篇，維修兵團仲有其他主題影片密鑼緊鼓製作中，很快就同大家見面啦~！

你亦可到維修兵團的YouTube Channel，訂閱及俾個Like：
https://youtu.be/WXuVmMxtGPE