全文內容
今次兵團小編帶大家睇下呢部Siemens西門子前置式洗衣機，型號為WK14D320GB/07。客人發現門膠邊非常污糟，於是聯絡了洗淨兵團來進行清洗。呢個客人部洗衣機清洗過程非常特別，一定要同大家分享下！
🧽當天兵團清洗專員上門後，發現洗衣機擺放喺門口位置。由於清洗時間比較長，加上需要放置工具，可能會有少少阻礙出入，於是專員詢問客人是否需要外出。不過，客人表示唔需要外出，反而選擇全程坐喺廳內，睇住專員清洗洗衣機。
🧼首先，專員使用內窺鏡檢查洗衣機內部，發現內部相當污糟，特別係門膠邊充滿霉菌。客人同意進行清洗洗衣機同埋門膠邊除霉服務。專員先加入高濃度活性氧浸泡15分鐘，以軟化頑固污漬及殺菌；然後再加入發泡促進劑浸泡5分鐘，產生大量泡沫來分解污漬。影相記錄後，專員排走污水，再使用高壓水槍反覆沖洗至少兩次，徹底清潔內膽每個角落。
清洗完畢後，專員進行內窺鏡檢查，確保已經徹底清潔乾淨，然后幫客人用除霉啫喱塗抹門膠邊，滲透並清除霉菌。整個過程需要大約30分鐘，包括擦乾門膠邊、塗抹除霉啫喱並按摩霉黑部分、滲透15-20分鐘，最後除霉啫喱並確認霉菌已成功清除。整個清洗過程中，客人全程睇住，對最終效果非常滿意。
🌟客人詢問點解洗衣機內部會咁污糟，專員解釋原因可能係之前租客使用洗衣粉或洗衣液過多，同時洗衣頻率唔高，導致污漬堆積。
洗衣機清潔同保養係每個家庭都要注意嘅事項。洗衣粉同洗衣液用量要適中，過多反而會積聚污漬，影響衣物清潔效果。定期檢查門膠邊同內膽狀況，發現異味或者發霉情況要及時處理，先可以確保衣物清潔衛生。
你有冇發現自己部洗衣機都有類似嘅情況呢？門膠邊發黑、洗衣機有異味都係常見問題。適時清潔洗衣機，不單止可以延長洗衣機壽命，仲可以確保衣物清潔乾淨，令家人健康更有保障。
